काठमाडौँ – लगातारको वर्षाका कारण त्रिभुवन अन्तर्राष्ट्रिय विमानस्थलको उडान तथा अवतरण प्रभावित भएको छ। बाक्लो वर्षा र हुस्सुले भिजिबिलिटी कम हुँदा हवाई यातायातमा समस्या देखिएको छ।
मङ्गलवार बिहानदेखि निरन्तर भइरहेको वर्षाले जहाजको उडान र अवतरणमा समस्या उत्पन्न गरेको छ। खराब मौसमको कारण केही जहाज आकाशमै होल्ड भएका छन् भने केही अन्यत्र डाइभर्ट भएका छन्।
अवतरणका लागि कम्तीमा एक हजार मिटरको भिजिबिलिटी आवश्यक पर्छ। अहिले त्रिभुवन विमानस्थलको भिजिबिलिटी (भिएफआर) एक हजार मिटर भन्दा कम रहेको जनाइएको छ।
